NYFT

Féme scrive ‘n poema ‘n piemuntés
perché sun n’ignurant
e sei nen ben l’ingles

Féme scrive cheij cos che l’abie ‘d pes
che dop, farija pe istes,
che tant j’è gnün che les

Pensavu propi che ai temp ‘d l’internèt
per diventé fighèt
basteisa tiré ‘n pèt

L’aviu l’ambisiun ‘d fé poesie
ma sas, sensa cresìe,
smiariun d’eresie.

Per scrive ij va co ‘n po’ ‘d cultüra
la rima deu sté püra
e nen ‘ndé ‘n pastüra.

Per lo’ che scriviu ‘d pütanade
‘d fularè e ‘d gavade
e storiche strunsade.

Pareij sun prèst rendüme cunt
che i n’ijé co d’eiti al mund
che sun ben pì prufund.

Alura sun fermame fastidià
e mes stravacà
sun fame na fümà.

Beijcavu ‘l mund ‘nturn a mi
pien ‘d foi che disu “sì”
tüti pianta bele lì

a perdi ‘l bave daré ad fulatun
che parlun mes terun
san gnanca lur chi sun.

Alura sun ‘ndeit daré ai fascine
e parland cun le galine
l’ei capì tüt. Fine.